人和動物有什麼分別？

這個問題本來想放到 Yahoo 知識+問的，因為夠晒無聊。因為在那裡你問有用的東西，永遠沒人會回答。

讓大家想一想。

滴答、滴答、滴答、
滴答、滴答、滴答、
滴答、滴答、滴答


答案係: 只有人才會俾同一條橋呃兩次。

點解？你放些芝士在個老鼠夾捉老鼠，如果有隻老鼠中過招，但係大難不死，佢以後見到芝士就會有咁遠走咁遠。野狼中個陷阱，見到類似物體亦會敬而遠之。但係只有人先會俾同一條橋呃完又呃。呢位人兄就係我個英明神武的老細。

第一次俾人呃，花了五十幾萬做個最多十萬銀就可以搞定的公司網站。個站除了相片和文字之外就乜功能都欠奉，D相仲要係我地問D客取番來的。做完重要大讚好靚好靚。我覺得簡直係國王的新衣現代版。

數年後有人彈我地另一個網站太舊。此站係我搵人用兩皮野搞點，因為冇人肯俾content，所以只有用公司的舊年報左湊又拼出來。今次老細又搵番上次那班designer，開價三十幾萬，結果佢地將我原先個站改了底色和換些字眼。班 designer 要三催四請才肯來 presnet佢地個 idea，點吹水都吹唔出我原先個框框。Present 完我猛讚個設計真係靚絕，冇得頂，簡直物超所值。藝術係無價，你地收得咁平，真係做爛個市。

其實我一早已經搵左另一間公司傾，加了很多功能，開價只收三萬幾，但我完全唔出聲。哈哈哈哈，ah.... ha ha ha。

可惜要守秘密，否則我真係會放公司個web-site在這裡俾大家參考下。