七七事變

今日係七七事變七十週年。亦係我地間怪獸公司的七七事變。

由今天開始，公司實行一司三制，員工劃分上中下三等人:
上等人，一律5天工作，個個短週週。
中等人，長短週，短週全公司關門。
下等人，6天，週週長。

如何劃分上中下等，無正式指引，沒有任何memo，email宣佈，總之係有人話你知你要返星期六。老闆的如意算盤是，過了90天你班友無異議，就當你接受。

我已經叫我的0靚準備份email俾無力方源部，講明保留追討無端端做多了工時之權利。亦有人準備去平機會睇下有冇得搞。

講到工時，那班上等人，按時薪計和交通費你係等於無端端加了人工俾佢地。無端調整人工，一D人有，一D人冇, 點都要講D理由。唔好講某D工種要支援生產乜乜物物，因為這些全部可以做人手安排，要盡量做到公平。

我從organization behaviour 的教科書裡找到這麼一句:
"Corporate leaders and OB scholars have long known that to maximize employee motivation, satisfaction, and organizational commitment, they need to treat people fairly."

這是放在motivation那個chapter。論到organziational justice。組織的公平。一間不公平的公司，點樣叫伙計賣力？當你間公司面對困境時，點叫伙計同你共渡時艱？

組織性公平又分distributive justice (我譯做分配公平)，即係伙計觀察到的半斤等唔等於八兩。佢會比較佢付出的和人地付出的，所得到的回報是否公平。單以薪酬計，因為不同工種、職級、供求關係，好難比較。但係工作時間和福利就好易比較。一向以來大家都係返咁多時間，無端端有多有少，阿茂都會話唔公平。做老闆的點解會想不到？

另外一個係procedural justice，即是程序上公平，或者說決策過程公平。你做決定的過程要俾人覺得公平。今次由週週長變成一司三制，完全係幾個老細黑箱作業，連中層管理都冇得參與，事後又冇交代原因，還想借幾個月無爭議就當過關。程序上完全不公平。