做人一定要搵份好工

這是阿茂都知道的道理。

以成年人來計，睡眠佔了你三分之一的時間。

如果你夠幸運，日日準時朝九晚五上下班，那麼份工就佔了你一半的清醒時間。如果工作不愉快，即是說當你是清醒的時候，有一半時間你是不開心的。如果你份工令你發惡夢，咁即係話連不清醒的時候都唔開心。

如果返到屋企，仲有各種煩惱事，咁你的人生就真是很可悲。

所以做男人，老婆可以唔靚唔正，但係份工一定要正。如果家有惡妻，你可以收埋自己在公司，扮晒多野做，日日OT，老細仲以為你好勤力，分分鐘因禍得福。但係如果份工唔正，除了唔撈，你避得去邊？

又如果份工唔正，但老婆好正，兒女又孝順，你天天忍辱負重咁返工，放工就搵老婆(或者二奶)慰藉，咁是否打和？答案當然係 NO。

將問題量化來計下就知，你俾份工連續折磨了八至十粒鐘，身心俱疲，返到屋企，你老婆最多招呼你一陣(唔煩你，你已經好好彩)，跟住你就去見周公。所以係計唔店者。

如果用或然率來計，放左工之後能夠得到老婆慰藉之機會係0.0000001234個巴仙。皆因你係香港男人，自出娘胎那天就被教導要遷就女人的。

此所以咁多男人英年早逝，佢地的老婆都同人講: 我個老公很好，十分顧家，可惜咁短命。皆因這些男人都計錯數，誤以為日日忍辱負重返工，回家得老婆親暱一吻，就可以舒解了大半日之煩惱。其實只是不斷將壓力累積，死得更快。

所以結論就係，老婆唔正唔緊要，份工一定要正。怎樣才為之好工，見人見智，遲些才分享。